Help Center
Özün ol
Özünü başqası kimi təqdim etmək: Özünüzü başqaları kimi təqdim etməyin (məsələn, yanlış cinsiyyət, saxta ad və ya şəkil). Profilinizi yaradarkən və digər istifadəçilərlə seçim zamanı bizə "həqiqi" siz haqqında məlumat verin. Biz sizi özünüzə və başqalarına qarşı səmimi olmağa dəvət edir və təşviq edirik. Gülümsəyin, canl
Qısa versiya
Salam! Artıq bildiyiniz kimi, biz Azar olaraq, icmamızı - dünyada hər kəslə sərbəst şəkildə danışa biləcəyiniz və həyatınızı paylaşa biləcəyiniz məkanı yüksək qiymətləndiririk. Bu səbəbdən, xahiş olunur, insanlara sizinlə necə rəftar olunmasını istədiyiniz kimi davranın ki, bizə tətbiqimizi real əlaqələr qurmaq üçün xoş və təhlükəsiz yer kimi saxlamağa kömək edəsiniz.
* Özün ol
* Bizə özünün ən yaxşı versiyanı göstər
* Kiminsə gününü unudulmaz et
* Yaxşı bir şey paylaş
Uzun versiya
Azar canlı video söhbət platformasıdır və buna görə də sizin hərəkətləriniz insanlara və icmamıza birbaşa təsir göstərir. Davranışınız başqalarına hörmətlə yanaşdıqca, sizi özünüz olmağa dəvət edirik. Biz Azar olaraq icmamıza qiymət veririk və istifadəçilərimiz üçün təhlükəsiz mühiti qoruyub saxlamağa çalışırıq. Bu, bizim üçün böyük, çox böyük bir işdir, ona görə də xahiş olunur, başqalarına hörmət edərək xoş təcrübə təmin etməyimizə kömək edin ki, hamı burada əylənsin və öz həyatını bölüşə bilsin.
Aşağıda İcma Qaydalarımızla tanış ola bilərsiniz. Biz Azar-ın hər kəs üçün orijinal və təhlükəsiz məkan olaraq qalmasını istəyirik. Beləliklə, bu Təlimat platformamızdakı hər bir istifadəçi üçün xoş və təhlükəsiz təcrübə təmin etmək üçün nəzərdə tutulmuşdur. Bizə Azar icmasını güclü saxlamağa kömək edin.
ı videodasınız!
Bir nəfər, bir hesab: Hesabınız kim olduğunuzu göstərir.
Biz Azar olaraq özünüzü dürüst şəkildə ifadə etməkdə sizə kömək etmək niyyətindəyik. Biz istifadəçiləri bu platformada sağlam qarşılıqlı əlaqə yaratmağa təşviq edirik. İndi əylənməyə və həqiqətən də möhtəşəm insanlarla tanış olmağa hazırsınızmı? Svaypa başla və əylən!
Real İstifadəçilər: Azar real istifadəçilər üçün əyləncəli və şəffaf mühit yaradan platformadır. Biz saxta profillərə və spam hesablara qarşı sərt mövqe tuturuq və bu, bizi digər tətbiqlərdən fərqləndirən bir Azar xüsusiyyətidir. Burada özümüz olmağın çox gözəl olduğuna inanırıq.
Bizə özünün ən yaxşı versiyanı göstər
Davraış, mühit: Sizdən kostyum və ya hər hansı dəbli geyimdə olmağı tələb etmirik. Ancaq siz burada çoxlu yeni maraqlı insanlarla tanış olursunuz. Niyə ilk görüşdə yaxşı təəssürat yaratmayaq? Kamera qarşısında da universitetdə ilk gününüz kimi olun.
Kiminsə gününü unudulmaz et
Çılpaqlıq, Seksual xarakterli kontent, Arzuolunmaz flirt: Azar icmasında çılpaqlıq və ya açıq-aşkar seksual xarakterli kontent qəbuledilməzdir. Seçimlərinizə hər hansı arzuolunmaz seksual xarakterli kontentin göstərilməsi qadağandır. Arzuolunmaz flirt, xüsusən də seksual xarakterli olduqda, insanları qorxuda bilər. Sizin seçiminizlə sadəcə danışmağınız o demək deyil ki, o, sizin onunla paylaşdığınız hər şeyi məmnuniyyətlə qəbul edəcək.
Nifrət nitqi, Qısnama: Xoş sözlər və ya şən zarafat kiminsə gününü gözəlləşdirə bilər. Digər tərəfdən, düşüncəsiz və kobud danışıq zərərli ola bilər. İrq, etnik mənsubiyyət, dini mənsubiyyət, əlillik, cinsiyyət, yaş, milli mənşə, cinsi oriyentasiya və ya gender mənsubiyyəti daxil olmaqla (lakin bunlarla məhdudlaşmayaraq), müxtəlif amillər əsasında irqçiliyi, fanatizmi, nifrəti və ya zorakılığı təbliğ edən və ya onlara haqq qazandıran istənilən kontent qadağandır. Bundan əlavə, təqib, təhdid, bullinq və ya hədə-qorxu ilə bağlı şikayətlərə çox ciddi yanaşılır və onlar diqqətlə nəzərdən keçirilir.
Zorakılıq və fiziki zərər: Biz zorakılığın hər hansı növünü təbliğ edən və ya hədələyən, o cümlədən təhdid və terrorizmi təşviq edən zorakı, açıq-aşkar təsvir olunan və ya qanlı hərəkətlərə qarşı dözümsüzlük nümayiş etdiririk. Azar-da fiziki hücum, məcburetmə və hər hansı zorakılıq hərəkətləri qəti şəkildə qadağandır.
Bunları deyil, yaxşı bir şey paylaş:
Şəxsi məlumatlar: Azar-da seçim zamanı paylaşa biləcəyiniz bir neçə faydalı şey var - sevdiyiniz musiqi qrupu, filmlər və sizi maraqlandıran hər şey. Amma şəxsi məlumatlar bunlara aid deyil. Şəxsi məlumatları bölüşmək və qəbul etmək qadağandır. Xahiş olunur, özünüzə və ya başqalarına məxsus heç bir şəxsi məlumatı ictimaiyyətə açıqlamayın. Bunlara sosial sığorta kartının nömrələri, pasportlar, parollar, maliyyə məlumatları və ya telefon nömrələri, e-poçt ünvanları, ev/iş ünvanı kimi siyahıda olmayan əlaqə məlumatları daxildir.
Spam və ya Təbliğ: Azar-dan əlaqəli olduğunuz hər hansı məhsul, xidmət satmaq, inanc və ya hadisələri təbliğ etmək üçün istifadə etməyin. Nə işlədiyiniz və nə ilə maraqlandığınız barədə danışa bilərsiniz, lakin profilinizin məqsədi onları reklam etmək olmamalıdır.
Fahişəlik və İnsan alveri, Fırıldaqçılıq: Kommersiya xarakterli seksual xidmətləri, insan alveri və ya razılıq əsasında olmayan digər seksual hərəkətləri təşviq etmək və ya təbliğ etmək qəti qadağandır və hesabınızın Azar tərəfindən qadağan edilməsi ilə nəticələnəcəkdir.
Uyğun olmayan istifadəçiləri şikayət edin.
Tətbiq daxilində sui-istifadə, spam və ya İcma Qaydalarımıza əməl etməyən hər hansı bir şeyi şikayət edə bilərsiniz. Azar Komandası istifadəçilərimiz üçün daha təhlükəsiz platforma yaratmaq məqsədilə bütün şikayət edilən kontenti müntəzəm olaraq yoxlayır. Sizi hər hansı narahatlığa səbəb olan və Qaydalarımızı pozan hər cür təqib, təhqiramiz ifadələr və seksual xarakterli kontent barədə şikayət etməyinizi tövsiyə edirik. Biz kömək etmək üçün buradayıq və sizin dəstəyinizlə Azar icmasını sağlam yer olaraq qoruyub saxlaya bilərik. Gəlin, Azar-ı təmiz saxlayaq və hamı üçün təhlükəsiz mühit yaradaq!